約翰福音 3:16 神愛世人，甚至將他的獨生子賜給他們，叫一切信他的，不致滅亡，反得永生。: 4月 2008

2008年4月24日星期四

升高

曾經，我喜歡唱卡啦ok，可是沒有什麼音樂天份，唔夠氣音唔準，只係同好朋友不停既唱，小時候也會攞住歌書，自己不停咁唱，想起都幾攪笑。

估唔到，當我什麼都沒有，上帝就令我什麼都有，而家既我，可以站出來，帶領弟兄姊妹一起唱詩歌敬拜上帝，不單是佢地對我既包容，更是上帝對我既使用，我真的不配但祂仍把升高，所以，天父，謝謝祢。

主耶穌基督話:[凡自卑的，我必升高。]

我相信薯條好多人都食過啦，特別買套餐既時候，就一定有包薯條跟，有時怕肥怕熱氣，想唔要，但係套餐又好似抵dd，真頭痛。
果次叫左兩個套餐，又跟兩包薯條，於是三個人都無辦法食完，但又唔想晒野，於是，我地就keep住先，容後處理，後來我地番到天水圍既教會，突然想起，就將半包既薯條分俾小朋友食，點知佢地非常緊張同開心，因為佢地未曾食過.......
而家既香港，仲有小朋友係未食過薯條既大有人在，可能大家平日視為理所當然既野，其實係恩典，唔係必然，請大家分享，也請大家感恩!

主耶穌基督話:[施比受更為有福]

2008年4月23日星期三

外賣

為了一個初為人母的媽媽，我地係一個滂沱大雨的情況下，為佢送上愛心的外賣，當然，話明愛心，就需要有犧牲，又要為對方想，於是，我為佢叫了一個湯飯，希望佢會容易入口，可是，當我一打開後，就發現果間野攪錯左，所以.......

連一些好少既事，我地都不能掌握，何況係生命呢?

仲有什麼，我地唔放手，要靠自己呢?

上帝話:[依靠耶和華，一樣好處也不缺]

感謝

真的感謝神，係而家尼個環境下，我地仍然可以有一車代步，因為，尼架車真係服事過唔少人，果日，下大雨，尼架車又再擔起一個任務，就係接載一個bb去睇醫生，又要接載一個小朋友番學，所以，車車，謝謝你。

當然，控制大局既人就係我老公，就係他的付出和甘心樂意，令到車車郁動起來，所以，老公----謝謝你。

主耶穌基督話:[愛人如己]

雲上太陽

一幅下大雨而背後又有太陽的照片!

無論是住在美麗的高山

或是躺臥在幽暗的幽谷

當你抬起頭你將會發現

主已為你我而預備

雲上太陽它總不改變

雖然小雨灑在臉上

雲上太陽它總不改變

呀......呀它不改變

係你身邊一切都在變

唯獨主耶穌基督的愛永遠長存

一起經歷吧!!

自拍照

這一部相機是亞仔的第二部數碼相機，係姑媽送俾佢，開始既時候，我以為佢係貪得意，點知，佢自己不斷研究，想不到，他做了一位似模似樣的攝影師，有一次，仲用自拍功能影左一張全家幅。

於是，我好出奇地[嘩]了一聲，很犀利呀!

其實，看別人永遠容易過看自己，也許，我地都要自拍一下，好好檢視，做一個懂得欣賞別人的人了。

主耶穌基督話:[看別人比自己強]

2008年4月18日星期五

大家唔好誤會，唔係我唔俾佢講野，係佢太靚仔，

想低調d，
果日，因為好多功課，見佢好辛苦，所以就同佢輕鬆下，減下壓。唔知點解，學校會推廣均衡飲食，好注意小朋友既身體健康，但好多既功課，快速既教學，單一既精英制度，令到d小朋友消化不良，所以，再攪一些門面既野，也只會令到小朋友同家長都吃不消，手下留情吧!

加價

原本尼種小乳鴿係$19.8，而家有加價，無論衣、食、住、行，樣樣都加。無論老、中、青都要去增值，加強競爭力，但係，人既道德品格、價值觀、人際關係、溝通能力就愈來愈差，情緒病愈來愈多，所有野都不斷要加，唯獨是人既生命質素一直下降，一直被忽略。
[耶穌話:人若渴了，到我這裡來，他必永遠不渴。]
當我地生命和心靈得到飽足，還那怕什麼?

好味呀!

大家一睇就知道係一包零食啦，當亞仔有所要求時，我都會俾佢滿足下，有時食下零食的確有一種令人愉快既感覺。

對於要下定決心減肥既我，這包零食就為我帶黎一種[不可觸摸]既感覺，其實減肥唔難，持久先係最大挑戰，這是長期爭戰，為了日後既結果，就要付上今日既代價，唔知你又願唔願意付上代價黎換取想要既野呢?

一起努力吧!

努力呀!

好多人認為唔駛番工既家庭主婦係好得閒既，對於尼個講法我真係有所保留，其他人就唔知啦，我就非常既唔得閒，不過，唔係忙碌，而係豐盛，why?

因為[耶穌話:我來了，是叫人得生命，並且得的更豐盛。]咁大家明啦!

當中就包括了讀書，我最怕讀書，最怕記野，最怕用腦，但我最愛上帝既說話，當然，講就天下無敵，做就有心無力，所以我決定要用行動打破尼個咒詛，我決定......

希望日後畢業再同大家分享我張證書啦!

這個bb已經滿月啦，好似大個左好多咁，而且，他的手腳非常有力，他一定好似佢爸爸一樣會係運動形(大家唔好誤會,唔係我個仔)。佢叫謙謙,因為佢地一家都係基督徙,所以,我就想起,一家都謙卑地事奉上帝，真的有意思，不過，我見佢咁好動,咁man,又突然想起叫佢[謙man]or[him man],等佢第日俾人笑下都好，哈哈!

第時，我會湊這個bb，因為唔係自己，所以湊人地既bb真係好多人都怕，亦會有d壓力。但如果你將佢成為自己所出，佢就係自己既bb，那麼，就無咩好怕，因為，愛裡沒有懼怕。

親子時間

大家唔好見到架車仔以為好普通,這架是非一般的車仔,因為它的構造很特別,製作過程非常繁複,小朋友和大人都不能單獨處理,於是,一位極度疲乏又愛子心切的爸爸和一位叫人無法抗拒的可愛boy boy,就用了一小時的時間,把這架車仔組合好,最後,大家當然要影番張相啦!

爸爸,你真的偉大呀!

2008年4月13日星期日

似我!!!

亞仔由初生至二年級的階段,一直很似爸爸,但最近,有很多人看到亞仔,都覺得佢好似我,因此,我當然替佢開心,因為似我一樣咁......

人見人愛囉!!!

仔仔的廚房

炸雞是也!

熊仔

7-11最近有換熊仔的印花,原先有一個袋也很吸引,可是換購失敗,後來我老公的同事給了很多印花給他,於是,我同亞仔就是那些印花的受益人,因此,我們就多左兩個朋友啦!

火鍋

我已很久沒有出外吃火鍋,因為有亞仔既原故,我地通常會係屋企整,昨日去到跑馬地一間火鍋店,環境都幾好,價錢當然唔平,但食物就普通d,尚有很多進步的空間。

好朋友

昨日我約左幾個以前的中學同學吃飯,而其中一個係我的好朋友,回想以前的日子,我們無所不談,現在,大家已大個了,價值觀和階段已經不像從前,但令人懷念的回憶卻仍然在我的腦海裡。

看到她,我仍然有一份很親切的感覺,我算是一個大情大性的人,所以,我昨天真的有個衝動,很想擁抱她一下,很想她幸福,很想她過得好。

好朋友!我真的祝福你,願你能得著你心所想的.

2008年4月11日星期五

屬靈爸爸

每逢星期五晚上,係我屋企都會有一個小組,叫[以馬內利],即是神與我同在既意思,我地既組員人數不多,但卻彼此相愛,又有坦誠既分享,而且,好得意架,差不多任何年齡都有.

不過,今日我們的牧師由天水圍出來探我們[經常],雖然那麼遠,但他認為教會就是神的家,是家庭,我們都是一家人,因此,他掛念我們,他用行動去關心我們,真的感謝神,因為,神讓我有這麼好的一位屬靈爸爸.

希望我們的小組能成長,能有更多生命可參與其中,屬靈爸爸,放心吧!

2008年4月10日星期四

哈利路亞!

感謝神,bb既心臟無事啦,雖然我地為左bb祈禱,但最重要既係,bb是神的產業,祂的寶貝,祂比我們更愛bb,真的,多謝耶穌!

我最喜愛的書

我老公在2001年4月24日的那天,送了一本皮面金邊兼滿有份量的書給我。

我從未有想過會看一本這樣的書,距離現在已有7年的光景,不知不覺間,這本書已陪伴我7年之久,我相信,很少有一本書能看這麼久,我的意思並不是看完一次,而是不斷看。

那是一本很特別的書,裡面不單是文字,乃是一本有生命的書,每一次看也有不同的領悟、不同的感受。

愛情小說,我看過很多;但真正的愛,我卻在這書中才能真正的找著,並且得著。

我誠意的推介:[聖經]是也。

堆積如山

我家裡有一個很小的地方,那地方沒什麼特別之處,只是常常有一座座的小山丘出現,每當這個情況一出現時,我會儘量進行爆破的工序,可是,很快地,那山丘又會再出現,有時嚴重起來,會山泥傾瀉,十分危險.

大家估下是什麼地方呢?

[答案:亞仔的房間]

又完了!

好快地亞仔又考完試啦! 對於佢黎講,實在無咩壓力,考試好似放假咁,又有得放早,又唔駛做一大堆功課,所以,佢都有d唔捨得考完試.

星期五要正常地番學啦,佢話[如果放埋星期五就好啦]

其實,佢最好唔駛番學就真!

2008年4月9日星期三

放心

明天有個bb要去心臟專科檢查,為了這件事,我實在有點掛心,自從他出世之後,我看到他,就真的愛上他,真的掛念他. 看到他的經歷,我便知道他必為上帝所用,因為,他是大能勇士,他要被訓練,要學習,所以,我就將掛念他的心交給上帝.

最近,老師要亞仔種一棵蕃茄,開始時,我真的覺得沒什麼可能,於是心裡想,過多幾日就放棄吧!

過了幾日後,那個盆栽竟然長出綠色的葉子來,而且愈長愈高. 突然,令我想起幾節經文:路加福音

12:27 你想百合花怎麼長起來？它也不勞苦，也不紡線，然而我告訴你們，就是所羅門極榮華的時候，他所穿戴的，還不如這花一朵哩！12:28 你們這小信的人哪，野地裏的草今天還在，明天就丟在爐裏，神還給它這樣的妝飾，何況你們哩！12:29 你們不要求吃甚麼，喝甚麼，也不要掛心，12:30 這都是外邦人所求的。你們必須用這些東西，你們的父是知道的，12:31 你們只要求他的國，這些東西就必加給你們了。

bb是上帝的產業,也比百合花貴重,放心吧!天父,bb交給你啦!